Akasias, algemeen bekend as doringbome, is waarskynlik die kenmerkendste en mees bekende groep bome in Afrika. As een van die grootste groepe word hulle ook gewoonlik met 'n tipiese Afrika-landskap geassosieer. Hierdie omvattende boek, Veldgids tot die Akasias van Suid-Afrika, maak dit maklik om die bome te identifiseer en sluit in:

• 'n Volledige weergawe van al 48 erkende spesies, subspesies en vari?teite van die genus Acacia wat binne die grense van Suid-Afrika voorkom, insluitend vier nuut omskryfde spesies.
• Afrikaanse en Engelse name en waar beskikbaar, name in Duits, Noord-Sotho, Suid-Sotho, Swati, Tsonga, Tswana, Venda, Xhosa en Zoeloe.
• Uitstekende kleur-illustrasies van die belangrikste aspekte rakende die identifisering van hierdie plante.
• Bondige teks waarin die habitat, algemene voorkoms, hoofstam, lote, dorings, blare, bloeiwyse, peule en saad van elke vorm beskryf word, en
• 'n verspreidingskaart van elke vorm.

Veldgids tot die Akasias van Suid-Afrika is 'n moet vir elkeen met 'n belangstelling in bome en ons natuurerfenis in die algemeen. 

Hierdie boek is ook in Engels beskikbaar.